عسلامة و مرحبا بيكم و بيا اكيد ليوم المقال باش يكون خفيف نضيف و على حاجة تسمعو علاها برشا الي هي
استعملاتو متعددة و نجمو نحصروها في تعقيم و تطهير و مضاد للبكتيريا و الفطريات و بالطبيعة يداوي شويا امراض تو نتعرفو عليها في سياق الحديث . نجمو نلقاوه على شكل بودر و الا سائل اما ديم نحطو في مخاخنا الى السائل عندو عمر قصير 3 أشهر و البودر تقعد برشا .
تو شنوا ال dose الي نجمو نحطوها في الاكواريوم و قداش من مرة لازم نحطوه ؟ هنا نقلك هذا مربوط بالحاجة و نوعية المرض و درجة تعكر الحالة .. نعطي مثال les mycoses des poissons,نحطو من قطرة و لقطرتين على الشنبيون مرتين في النهار لين يتنحى المرض مثال اخر maladie des points blancs نقعدو نداويو على مدار 5 أيام و نحطو à 2mg/L .05 في الماء في العادة و باش منعقدوش الامور ال dose الي مستعملا مالاخصائين هي من 1 ل 2 غرام لكل 10 لتر أما هذا ميمنعش انك تلوج قبل على الدوز في الاترنات على حسب نوع مرض الحوت الي عندك .
باهي تو كيفاش نحط المادة في الاكواريوم ؟ 1.وقف الفيلتروات الي عندك 2 قوي في التهوية 3 قوي في درجة الحرارة 28 درجة 4 خليه يقوم بمفعولو على حسب المرض و خطورتو 5 مبعد بدل 50% مالماء و عاود عبيه الماء نضيف 6عاود خدم les filtres 7رجع درجة الحرارة للدرجة العادية 8 عاود المراحل هذم لكل كان عاودت احتجت ملاجظة : 1 كان تستعمل في bleu de methylene في شكل بودر مالمستحسن تذوبو في الماء الدافي قبل متحطو في الاكواريوم باش ميقرمشوهش الحوتات
2 هنا كنت نجم نحط لتفاصيل متاع استعمل مع كل مرض اما فضلت نحطهم في مقال اخر باش منطولش عليكم هنا و منعقدش المعلومة.
ان شاء الله يكون الارتيكل نفعكم و نتلقاو غدوة في مقال اخر ردو بالكم على رواحكم و علي تحبوهم
Comentarios