أنواع الرمل المستعمل في الأكواريومات

عسلامة و مرحبا بيكم الناس الكل ليوم صديقتكم نور رجعتلكم بسلسلة جديدة مالمقالات الي تهم غرامنا غرام aquariophilie و بمؤنو شعارنا #أصنع_غرامك باش نتعلمو كيفاش نصنعو غرامنا خطوة خطوة ليوم باش نجكيو على أنواع ال sol شنوا الفرق بين الأنواع الكل و كيفاش نختار ال SOL الي يتماشا مع أكواريومي ؟ قداش لازم تحط من طبقة ؟و قداش خشن الطبقة الي باش نحطوها ؟هذا الكل باش عرفوه خطوة خطوة مع بعضنا عنا ثلاثة انواع متاع SOL نجمو نحكيو عليهمLes sols neutres /Les sols complets / techniques Les sols nutritifs

نبداو بال LES sols neutres من خصائص النوع هذا انو ما يبدلش الخصائص الفيزيائية و الكيميائية للماء و مزيان برشا في الأكواريوم و الهدف أنو يوفر أكثر ما يمكن مالجمالية للحوض و في نفس الوقت ميوفرش الاحتيجات الغذائية لنبتة دونك نجمو نستنتجو الي صعيب برشا الواحد ينجم يسطحفض على النبتات كيبدى ال sol هذا وحدو أذاكا علاش نصحو الي يستعمل النوع هذا مالرمل يزيدو مكملات يعني d’engrais solide et/ou liquide باش يضمن انو النبتة تعيشلو الsol هذا لازمو يتغسل قبل ما يتحط في ااكواريوم ( المرحلة هذي نقومو باها احنا في lily's aquariophilie) باش تتجنب انو تخلي الشوائب فيه برشا متخصصين يستعمل الsol هذا كطبقة ثانية فوق ال Les sols nutritifs لغاية انو يوفر الغذاء للنبتة و الجمالية الي نحبو علها في الاكواريوم

نتعداو تو /Les sols complets / techniques ممتاز كقيمة غذائية للنبتة و ميستحقش يتغسل و نجمو نحطو فوقو sols neutres للزينة . عندهم تأثير على الخصائص الفزيائية و الكيميائية للماء .. يطيحو في ph و kh و في نفس الوقت ميخليش ال ph يلعب برشا أذاكا علاش نلقاو ال sol هذا معروف في تربية الcrevette caridina الي معروفين الي لازمهم خصائص مائية معينة

أخيرا و ليس اخرا عنا Les sols nutritifs هذا اختصاص نبتات يبدا مشرجي بكل المكوناتا الغذائية الي تحتاجهم النبتة نلقاو فيه du fer, des minéraux et des oligo-éléments. أما هذم بالذات لازمهم يكونو مغطين بالsables و الا sol neutres باش ميطلعش في الماء و يغدرهولك . و هذا زادا ميحتاجش انو يتغسل .

باهي يا سيدي تو عرفنا الانواع الموجودين و عرفنا الي ااختيار نوع الsol مربوط بشنوا ناوي تعمل في الاكواريوم متاعك السؤال الي تنجم تقولو شنوا خشن الطبقة الي لازم نحطها ’؟ اول حاجة مالمنصوح انو متحطش الرمل بتساوي في الاكواريوم يعني مالمستحسن تخشن في الطبقة من تالي و تجود من قدام .. يقول قايل علاش ؟ ببساطة باش تضمن انك تعمل محاكاة للطبيعة تخيل الاكوريوم متعك تصويرة من نهر حقيقي تو تلاحظ او ثما كيا الهبطة صغيرة يعني عبارة تعمل في سهول و هضاب في حوض متاعك نجم نعطيكم شويا ارقام تعاونكم المثالي انو الخلفية يكون فاها الرمل بين 4 و 10 سم و الواجهة الأمامية بين 1 و 4 سم و الارقام تختلف حسب حجم الاكواريوم

نزيدو نوضحولكم الصورة نتخيلو الي عنا aquarium 150l ( 150 litres, 60x50x50) : اذا كانت ناوي تعمل أكواريوم مغير نبتات و الا فيه شويااا نبتات ز

نحطو sol neutres بخشن 2 سم مالجهة القدامية ماتع الاكواريوم و 8 مالجهة التيلانية و الا 5 سم على كل الاكواريوم كان محاشتكش باش تعمل هضبة و تحتاج تقريا 15 كغ باش تغطي المساحة

اذا انت ناوي تعمل أكواريوم فيه برشا نبتات نستعمل الرمل الغذائي بخشن 3 سم اذا كان باش نزرعو الاكواريوم كامل و اذا باش تعمل هضبة مالمستحسن تزيد في خشن الطبقة في خلفية الأكواريوم و توصلها ل5سم تحتاج 10 كغ باش تغطي المساحة و مبعد تزيد فوقهم sol neutres بمعدل 4 سم و 12 كغ تغطيلك الاكواريوم

هذم أمثلة و و مش قوانين أما عطيناكم الارقام الي تنجم تجيبلك أحسن نتيجة في الاكواريوم متاعك .. أما تو راك تسأل وأنا منين باش نعرف قداش لازمو الاكواريوم متاعي ثما فيكم شكون عندو أكواريوم صغير ثما المتوسط ثما الكبير اذاكا علاش باش نعطيكم طريقة ساهلة تحسب باها (طول الاكواريم * عرض الاكواريوم * خشن طبقة الرمل الي تحب تحطها )/1000

* نقصدو باها علامة الضرب

ان شاء الله يكون المقال هذا نفعكم و وضح شويا امور و بقدرة الله عنا برشااااا مقالات باش تهبط و باش نسهلو عليكم باش تصنعو غرامكم .. الي عندو اي حاجة يحب يسألها مرحبا بيكم équipe lily’s Aquariophile ديما معاكم