كيفية تجهيز الحوض

عسلااامة و مرحبا بيكم مرة اخرى في مقال اخر يهم ال aquariophilie اليوم باش ننحكيو على طريقة وضع الماء في الاكواريوم باش نعطيوكم شويا حيل سحرية تعاونكم باش يحضر اكواريومكم بطريقة ساهلة و سليمة . مع المقال ثما تصاور عاملتهم جمعية لاهية بدومان هذا خذيناهم من عندها باش نسهلو عليكم فهم الطريقة المقدمة في المقال هذا

أول حاجة قبل كل شي اذا كان اكوريومك محطوط منو للموبل مالمستحسن تحط طحتو طبقة مالpolystyrène ou de styrodur يقول قايل علاش ؟ خاطر ببساطة ساعات تبدى اللوحة الي محطوط علاها الاكواريوم فاها ديفوات يعني بلايص اعلى من بلايص و الحكاية تنجم تكون بسيطة يعني شويا ملمترات اما التئثير متاعها كبير و بطوال المدة ينجم يطرشقلك البلار ماللوطة . اذاكا علاش حماية لاكواريومك في المستقبل مفاها باس تحط طحتو طبقة polystène على قياسو و المادة هذي معروفة بقدرتها على امتصاص الضغط و الصدمات و نعاود نأكد الي المرحلة هذي غايتها الحماية و ماهيش اجبارية انك تقوم باها . نتعداو تو للتثبيت في انو اكواريومنا امورو 6 زيت و الطريقة هي انك تعبي الاكواريوم بالماء و تقعد تعس عليه لمدة 48 ساة و تثبت فيه خاصة مالأحرف اذا كان يقطر و الا لا . تو اذا اكواريومك امورو واضحة و شد بلاصتو و نـأكد على بلاصتو يعني متحاولش تحرك أكواريوم معبي بالماء خاطر العواقب صدقوني وخيمة.تو نجمو نتعداو لمرحلة تعبية الاكواريوم . نبداو أول حاجة بحطان ال sol nutritif و نفطسوه مليح باش ميغدرلناش الماء مبعد و الا نزيدوه sol neutr فوقو بعد منغسلوه مليح و مالمستحسن نعملو كالهبطة صغيرة يعني الرمل اكثر في خلفية الاكواريوم و السبب انو النبتات الي في الخلف في العادة ديما يكونو اكبر و عندهم اكثر جذور مالنبتات الي من قدام .

تو لازمنا نركحو بلاصت الشوفاج و الفيلتر و في بلاصة ساهلة باش تربطهم في الضوء . و بالنسبة للفيلتر تحطه هذا في مجرى الماء نحطو mousse bleu و مبعد ouate ( و تريقيل الفيلتوات و الشوفاج باش نحكيو عليه وحدو في مقال أخر ان شاء الله )

تو نجمو اخيرا نبداو في وضع الماء و هنا نقلكم جيبو صحن و تبعوني حطو الصحن في التراب و ابداو صبو الماء فوقو الطريقة هذي متخليش الرمل يتحفر و تقلل من تغدير الماء .

كيتعبى الاكواريوم للنص تنجمو تبداو في الزرعان ببساطة خاطر اسهل انك تزرع في اكواريوم نص مليان اكثر من انك تزرع في اكواريوم معبي . قبل متحط النبتات لازمك تحضرهم أول حاجة تاخو النبتات و تحطهم في بانو معبي بالماء وتبدى تنحي في les pots و الا الحجر و الا القطن منهم خاطر كان تحطهم باهم يختقولكم عروق النبتات و يموتو . نضف النبتات بعني نحي الاوراق المضرورة و اغسلهم و تو تنجم تحطهم في الأكواريوم .

قبل منحطو اي حوتة لازم نخليو الاكواريوم يرتاح 4 أيام أقل حاجة باش يركح cycle d'azote و يولي ثما equilibre

تو اكواريومك حاضر و تنجم تحط حوتاتك و صحة ليك

استنونا في مقال اخر نحبكم برشا #أصنع-غرامك