ممنوع وضع الاسماك في الأحواض الدائرية الصغيرة

عسلااامة الناس الكل نعرف توحشتوني اكيد اليوم نحب نحكي على برشا حاجات اما المقال هذا باش نخليه لنوع متاع حوت مضلوم برشا في دومان و الaquariophilie و الي هو poisson rouge باهي يجونا برشا ميساجات من ناس يحبو على ال poisson rouge و يحبو يحطوهم فيbocal rond و الحاجة هذي جاية من طريقة تسويق الشركات للحوت و الا تسويق bocal في حد ذاتو . اول حاجة انوع هذا مالاكواريومات يهز 2 لتر و الا 3 و النوع متاع الحوت هذا الي نحكيو عله تحتاج اقل شي 60 لتر وحدها نزيدكم زيادة الي الحوت هذا يمسخ الماء برشا و الbocal مغير système de filtraton و نزيدكم زياد الحةت هذا يكبار مليح و يحب مساحة باهية باش ينجم ياخو راحتو و ينجم يعوم و الي هذا زادا مش متوفر في bocal ; و الكمية الصغيرة متاع الماء تعني تغير سريع قي درجات الحرارة يعني stress كبير للحوتة الحوتة هذي تعيش بمعدل 25 سنة و في الكواريوم مالنوع هذا فيسع تموت أما تعرفو كيفاش تموت ؟ 1مخنوقة من نقص الاكسجين 2.مسمومة بالوسخ الي تخرجو منها 3. الغلاصم متاعها محروقين بالبول متاعها 4.و مريضة بال Nanisme spatial خاطر متنجمش تكبر خاطر المساحة المتوفرة صغيرة

يضهرلي هكا نجمو نفهمو علاش لازم نحيو العادة هذي خاطر استعمالنا لل bocale معى النوع هذا مالسمك يتسمى جريمة و تتسمى قاعد تعذب في حوتة باش تستمتع بمنضرها ان شاء الله يكون المقال هذا فادكم و نشوفكم غدوة ان شاء الله في مقال اخر استحفضو على رواحكم مليح البسو كممتكم و ديما الجال في ايديكم و استحفضو على حوتاتكم

#nanisme #spacial #bocale #goldfish #poissons_rouge #Aquariophilie #aquarium