أنواع الاضاءة في الأكواريومات

عسلامة و مرحبا بيكم الناس الكل في مقال جديد ليوم باش نحكي على عنصر مهم في الاكواريومات الي هي الاضاءة الناس الكل نعرفو اهمية الاضاءة في احواض الاسماك الاضاءة نخلي دورة الحياة في أحسن حالاتها .. تضمنلك انو النبتات تقوم بالتبادل الضوئي متاعها يعني تكبر تزدهر و توفر الاكسيجين في الاكواريوم و زيد زيادة مننساوش الجانب الجمالي في الحكاية

باهي شنوا انواع الاضاءة المتوفرة و كيفاش نختار بيناتهم ؟ بهي ثما برشا انواع اضاءة les tubes néons, les lampes HQL / HQI, les lampes fluo-compactes et LED اليوم باش منطولش عليكم بالفارغ باش نحكي على اكثر زوز انواع موجودين في المارشي الي هوما les tubes néon et LED 1 . les tubes néons و شكون ميعرفهمش مستعملين عندهم سنين قبل متخرجلنا تقنية LED و الى اليوم ثما مصانع يوفرو الاكواريومات مع النوع هذا مالاضاءة .عنا زوز أنواع les T8 et les T5 les T8 هوما الأقدم و القطر متاعهم كبير 28 مم و شدة الاضاءة متاعهم ضعيفة و النوع الثاني T 5 الي هوا اصغر 16 مم و شدة الاضاءة ماعو اكبر و هذا مستعمل اكثر مالنوع الاول . les tubes néons موجودين في درجات حرارة متاع ألوان مختلفة باش ضمن تعطي احتياجات النبتات في الاكواريوم باهي ثما برشا خصائص لازم نحطوهم في مخاخنا قبل منشريو --الحجم --الاحزم الضوئية spectre الي في العادة يكون كامل اما ثما انواع يقلصو للالوان المطلوبة لتكاثر النبتات و ألوان الحوت --درجة حرارة الضوء الي تلقفاوه مكتوب على الباكو 2500°K et 8000°K بالنسبة للمياه العذبة و أكثر من 10000K لأحواض المياه المالحة --L’IRC لازمو يكون قريب مال 100 -- الLes lumens الي يعكس شدة الضوء و لازمو يكون بين 20 و 40 من الحجات الخايبة في néon هي الاستهلاك العالي للكهرباء .

2. LED

مشهورين برشا بعدم استهلاكهم للأضواء و موجودين بالابيض و ال بالالوان و زادة قوة مختلفة حسب الحاجة و احجام مختلفة لتحديد قوة led تنجم تقرا شنوا مكتوب على الغلاف و اذا لقيت 20 lumens par litre =اضاءة ضعيفة Entre 20 et 40 lumens par litre = اضاءة متوسطة Plus de 40 lumens par litre =اضاءة قوية اختيار حجم و قوة ال led و الا neon مربوط بحجم الاكواريوم متاعك و نوع النبتات و الحوت الي باش تجطو عندك يعني لازم تعرف روحك شنوا خصائص اكواريمك و خصائص الكائنات الحية الي عندك قبل متشري الاضاءة ان شاء الله يكون المقال عجبكم و كان عندكم حاجة مش واضحة و الا موضوع تحبونا نكتبو عليه تنجمو تخليولنا تعليق و الا تراسلونا على الصفحة استحفظو على رواحكم و على الناس الي تحبوهم #equipe_lilys_aquariophilie #أصنع_غرامك