تغير درجات الحرارة في الشتاء

عسلااامة و مرحبا بيكم شعب aquariophile العظيم كلنا الأيمات هذي قاعدين نحسو في التغير الي قاعد يصير في درجات الحرارة و اكيد تعرفو انو الفترة هذي بليدة مش على خاطر البرد في حد ذاتو أما خاصة انها فترة تسبب القريب و امراض أخرى هنا لازم نعرفو الي حوتاتنا يتققلو زادا في الفترة هذي و يمرمضو كيفنا اذاكا علاش اليوم باش نحكي على شويا حاجات لازم نعملوهم في الفترات هذي باش نتجنبو الامراض #1. نردو بالنا مالصقيع لازم نتأكدو انو اكواريومنا بعيد على الصقيع يعني ميباتش الليل في البرد و الا ميكونش محتوط في بلاصة فاها شباك محلولا و الا باب محلول #2.نعسو على درجات الحرارة مالمستحسن تتفقد اكواريومك و تقيس درجات الحرارة بالترموماتر و حتى كان انت حاطط سخان خاطر ببساطة سعات السخان ميخدمش و الا يتكسر وقتها مالمستحسن تبدلو . تفقد القوة متاع سخانك ساعات اختيار السخان يكون مش موفق يعني السخان ميكونش قادر يسخن الكمية متاع الماء الكبيرة الي في الاكواريوم اذا مالمستحسن انو نختارو سخان يتماشا مع الاكواريوم الي عنا .#3. #4.تفقد البرماتر متاع لماء و اذا كان الفيلتر متاعك يخدم كيما يلزم و مالمستحسن نعملولو تنضيفة كل فترة #5. منبدلوش الماء متاع الاكواريوم الكل يعني لازم نبعدو قدالامكان على التغيرات الكبيرةفي برماتر متاع الماء و في نفس الوقت الحرارة خاطر نعرفو الي الماء خارج الاكواريوم يكون بارد برشا في فصل الشتاء مقارنة بالماء داخل الاكواريوم اذاكا علاش نبدلو 20% مالماء كل مرة باش نتحشاو الامراض و الستراس ديما حط فيبالك المثال الشعبي متاعنا 100 خطوة و لا تنقيزة بدل الماء بكميات صغيرة برشا مرات على طوال الشهر خير متبدلو مرة بركا و بكمية كبيرة #6.الدواء في الأوقات العسرة يعني وقت تحس حوتاتك مرضو و خاصة بالبرد ناحظو الامراض الي جايين مالفطريات و النقاط البيضاء وقتها لازم تتصرف و داويهم و الامراض هذم و طريقة علاجهم باش نحكيو عليهم في مقالات أخرى #7. اعمل لحوتاتك ريجيم لازمك توكل حوتاتك ماكلا تحفز جهاز المناعة متاعهم و كيفاش تعرف الكلام هذا ؟ لازم تعطيهم ماكلا معروفة ي السوق كيما tetra خاطر ثما انواع أخرى ينقصو في الفتامينات و الاحتياجات الغذائية.

ان شاء الله يكون المقال عجبكم اذا كان عندكم اي اقتراح و الا سؤال تنجمو تراسلونا على الصفحة #equipe_lilys_aquariophilie

#أصنع_غرامك